മോദവാർത്ത കേട്ടു നാം
യേശു രക്ഷിക്കുന്നു
കേൾപ്പിനെല്ലാടവും
യേശു രക്ഷിക്കുന്നു
കടൽ കടന്നു കുന്നും
നാടു നീളെ ചൊല്ലുവിൻ
ഘോഷിപ്പിൻ കർത്തൻ ഹിതം
യേശു രക്ഷിക്കുന്നു

ഘോഷിപ്പിൻ കടൽമേലും
യേശു രക്ഷിക്കുന്നു
ദോഷിയോടൊക്കെ ചൊൽക
യേശു രക്ഷിക്കുന്നു
പാടുവിൻ ദീപങ്ങളെ
കടൽ സർവ്വം മുഴങ്ങെ
യോബേൽ ഘോഷിക്കും ഭൂമി,
യേശു രക്ഷിക്കുന്നു

കഷ്ടപ്പാടിൻ മദ്ധേ ചൊൽ
യേശു രക്ഷിക്കുന്നു
മൃത്യുവാൽ, തൻ ജീവനാൽ,
യേശു രക്ഷിക്കുന്നു
നെഞ്ചിൻ വാഞ്ച കൃപയ്ക്കായ്
കെഞ്ചുമ്പോൾ അഞ്ചാതെ ചൊൽ
കല്ലറമേൽ ഘോഷിക്കാം
യേശു രക്ഷിക്കുന്നു

ഘോഷിപ്പിൻ കാറ്റിൻ മാർഗ്ഗേ
യേശു രക്ഷിക്കുന്നു
ജാതികളിന്നാർക്കട്ടെ,
യേശു രക്ഷിക്കുന്നു
ആർക്കുവിൻ, പൂർണ്ണരക്ഷ
എല്ലാ കടൽ തീരത്തും
നമ്മുടെ ജയഗീതം
യേശു രക്ഷിക്കുന്നു