നാം മരിക്കേണ്ടുന്നവരല്ലോ: നിലത്തു ഒഴിച്ചുകളഞ്ഞതും വീണ്ടും ചേർത്തുകൂടാത്തതുമായ വെള്ളംപോലെ ഇരിക്കുന്നു; ദൈവം ജീവനെ എടുത്തുകളയാതെ ഭ്രഷ്ടനായവൻ തനിക്കു ഇനിയും ഭ്രഷ്ടനായിരിക്കാതവണ്ണം മാർഗ്ഗം ചിന്തിക്കുന്നു.@2 ശമൂവേൽ 14:14
ഛായാചിത്രം
ജോണ്‍ ബി.ഡൈക്സ് (1823-1876)

ബഞ്ചമിൻ ബെഡോം (1717-1795) (If I Must Die). സൈമണ്‍ സഖറിയ, 2014.

കഠിനമായ രോഗബാധയിൽ നിന്നും വിമുക്തനായത്തിനു ശേഷം മിസ്റ്റർ ബെഡോം എഴുതിയ ഏറ്റവും മെച്ചപ്പെട്ട കീർത്തനങ്ങളിൽ ഒന്നാണ് ഇതു. ആരോഗ്യം വീണ്ടുകിട്ടിയതിന്റെ നന്ദി സൂചകമായി ആദ്യം ഒരു കീർത്തനം അദ്ദേഹം രചിച്ചിരുന്നു. തുടർന്നുള്ള ചിന്തയിൽ അദ്ദേഹം ഈ വരികൾ എഴുതി.

ബറെജ്, പേജു. 51.

ജോണ്‍ ബി.ഡൈക്സ് ഹിമ്നൽ ഫോർ യൂസ് ഇൻ ഇംഗ്ളീഷ് ചർച്ച്-ൽ, രചന, ജോണ്‍ ഗ്രെ, 1866 (🔊 pdf nwc).

ഛായാചിത്രം
സൈമണ്‍ സഖറിയ (1951-)

യേശുവിൻ രക്തം നമ്പി ഞാൻ,
മരിച്ചിടാൻ തയ്യാർ!
യാഗമായ് തീർന്ന തൻ രക്തം—
നിരപ്പി-ച്ചീശനായ്.

ലോകരോടെല്ലാം രംമ്യമായ്,
മരിച്ചിടാൻ തയ്യാർ!
ലോകസുഖങ്ങൾ വിട്ടിടാം—
സ്വർഗ്ഗ മോദങ്ങൾക്കായ്.

സാറാഫുകൾ വന്നീടട്ടെ,
മരിച്ചിടാൻ തയ്യാർ!
തൻ ചിറകിൽ ഉയർത്തട്ടെ—
വാനേ ഭവനത്തിൽ.

പിസ്ഗാ നിന്നു കനാൻ ദേശം,
ഒന്നു കണ്ടീടട്ടെ!
യോർദ്ദാനിൽ ഓളം പൊങ്ങട്ടെ—
ധീരമായ് താണ്ടും ഞാൻ.