ദൈവം തന്റെ കൃപാവരങ്ങളെയും വിളിയെയും കുറിച്ചു അനുതപിക്കുന്നില്ലല്ലോ.@റോമർ 11:29
ഛായാചിത്രം
സൈമണ്‍ സഖറിയ (1951-)

ഫ്രഡ്രിക്ക് എൽ. ഹോസ്മർ, 1908 (Forward Through the Ages). കാലിഫോർണിയയിലെ ബർക്കിലി എന്ന സ്ഥലത്തെ ഫസ്റ്റ് യൂണിറ്റേറിയൻ സഭയിലെ പാതിരി ആയിരിക്കെ ഹൊസ്‌മർ ഈ ഗാനം എഴുതി.അദ്ദേഹത്തിന്റെ 'തോട്ട് ഓഫ് ഗോഡ്' (ദൈവ ചിന്ത) മൂന്നാം ലക്കത്തിൽ (1918) അതു പ്രസിദ്ധീകരിച്ചു. സൈമണ്‍ സഖറിയ, 2017.

സെന്റ് ഗർറ്റ്‌റൂഡ് ആർതർ എസ്സ്. സള്ളിവൻ, 1871 (🔊 pdf nwc).

portrait
ആർതർ എസ്സ്. സള്ളിവൻ (1842-1900)

ദിവ്യ വിളി കേട്ടു തൻ വിശുദ്ധന്മാർ,
കാലമെത്രയായി പിൻ ചെല്ലുന്നിതാ.
ആത്മവരം വേറെ, ലക്ഷ്യം ഒന്നത്രേ,
താലന്തുകൾ വേറെ, കിരീടം ഒന്നു!

പല്ലവി

ദിവ്യ വിളി കേട്ടു തൻ വിശുദ്ധന്മാർ,
കാലമെത്രയായി പിൻ ചെല്ലുന്നിതാ.

സ്നേഹ ശോഭ വാഴും ആ സാമ്രാജ്യത്തിൽ,
വിശ്വാസാൽ നാം കാണും അദ്ധ്വാനിക്ക നാം
പ്രവാചകർ ചൊല്ലി, ശുദ്ധർ സാക്ഷിച്ചു,
സംഗീതജ്ഞർ പാടി, വീരർ മരിച്ചു!

വീഴ്ചയിലും പിന്നെ വാഴ്ച തന്നിലും,
ഏകരല്ല നാമോ ദൈവമക്കളാം.
ദൈവേഷ്ടത്താൽ നമ്മൾ ബ-ന്ധിതരത്രെ,
ഒന്നിച്ചങ്ങു നീങ്ങാം ലക്ഷ്യം നേടീടാൻ!