സുവിശേഷത്തെക്കുറിച്ചു എനിക്കു ലജ്ജയില്ല; വിശ്വസിക്കുന്ന ഏവന്നും…അതു രക്ഷെക്കായി ദൈവശക്തിയാകുന്നുവല്ലോ.@റോമർ 1:16
ഛായാചിത്രം
സൈമണ്‍ സഖറിയ (1951-)

ഫിലിപ്പ് ഫിലിപ്പ്സ്, 'ദ റിവൈവവലിസ്റ്റ്' -ൽ (ന്യൂയോർക്ക്: ജോസഫ് ഹിൽട്ടൻ, 1868) (Ashamed to Be a Christian?). സൈമണ്‍ സഖറിയ, 2015.

വെബ്‌, ജോർജ്ജ് ജെ.വെബ്, 1830 (🔊 pdf nwc).

ഛായാചിത്രം
:ഫിലിപ്പ് ഫിലിപ്പ്സ് (1834-1895)

ലജ്ജിച്ചിടുന്നോ നീയും
യേശുവേ സാക്ഷിപ്പാൻ?
സീയോനിലേക്കെൻ യാത്ര
മോദമായ് വാണീടാൻ
നിന്നെ പിഞ്ചെല്ലാൻ ഏതും
ലജ്ജതോന്നീടല്ലേ!
നിൻ നാമം സാക്ഷിച്ചീടാൻ
നൽ ധൈര്യം നൽകുകേ.

ലജ്ജിച്ചിടുന്നോ നീയും
ദൈവത്തെ സ്നേഹിപ്പാൻ?
ഉള്ളിൽ ജ്വലിക്കും അഗ്നി
ഉയർത്തുന്നാത്മാവേ.
പൂർണ്ണമാക്കെൻ വിശ്വാസം
ഈ ലോകർ കാണുവാൻ-
സൗജന്യ രക്ഷ നേടി
സാക്ഷിയായ് ജീവിപ്പാൻ.

ലജ്ജിച്ചിടുന്നോ നീയും?
എൻ പാപഭാരം പോയ്!
എന്നുള്ളിൽ മന്ത്രിക്കുന്ന
ദുഷ്ടനെ തോല്പിക്കും
അയോഗ്യനെൻ പ്രത്യാശ
ഇതൊന്നു മാത്രമേ
എൻ പേർക്കുയിർ വിട്ടതാം
നിൻ ക്രൂശിൻ യാഗത്തെ.