ദൈവത്തിൻ സൃഷ്ടികളെല്ലാം
ഉച്ചത്തിൽ ഒപ്പം പാടട്ടെ
ഹാലേലൂയ്യ ഹാലേലൂയ്യ!
ചൂടേറും സൂര്യ- രശ്മിയും,
മിന്നുന്ന ചന്ദ്രശോഭയും!

പല്ലവി

വാഴ്ത്തി പാടാം വാഴ്ത്തി പാടാം
ഹാലേലൂയ്യ ഹാലേലൂയ്യ, ഹാലേലൂ-യ്യ!

ചുറ്റിയടിക്കും വങ്കാറ്റും
വാനിലെ കാർമേഘങ്ങളും
ഹാലേലൂയ്യ ഹാലേലൂയ്യ
വാനിലുദിക്കും ചന്ദ്രനും,
രാത്രിയിൻ താരകങ്ങളും,

നിർമ്മല കൊച്ചരുവികൾ,
ദേവനു പാടും ഓളങ്ങൾ,
ഹാലേലൂയ്യ ഹാലേലൂയ്യ
മർത്യനു ചൂടേകീടാനായ്
കത്തിയെരിയും അഗ്നിയും

ജീവിക്കും നാൾക-ളെല്ലാമേ
പുഷ്ടി നല്കീടും ഭൂമിയും
ഹാലേലൂയ്യ ഹാലേലൂയ്യ
നീ നല്കും പുഷ്പഫലങ്ങൾ
നിൻ കീർത്തി വാഴ്ത്തിപാടട്ടെ

നന്മ നിറഞ്ഞ മർത്യന്മാർ
അന്യോന്യം ക്ഷമിച്ചീടട്ടെ
ഹാലേലൂയ്യ ഹാലേലൂയ്യ
വേദന, ദുഃഖം പേറുന്നോർ
ദൈവത്തിൽ ആശ്രയിക്കട്ടെ

ശാന്തമാം അന്ത്യം വരുമ്പോൾ
അന്ത്യ ശ്വാസം നിലക്കുമ്പോൾ
ഹാലേലൂയ്യ ഹാലേലൂയ്യ
ക്രിസ്തൻ തെളിച്ച പാതയിൽ
ദൈവപൈതലേ നയിക്കും

ക്രിസ്തൻ വാഴ്ത്തിയ സർവവും
കൃസ്തനെ വാഴ്ത്തി പാടട്ടെ
ഹാലേലൂയ്യ ഹാലേലൂയ്യ
ത്രിത്വത്തിന്നു സ്തോത്രം പാടാം
എന്നെന്നേക്കും സ്തോത്രം പാടാം